Gipatuman ni Dumanjug City Mayor Gungun Gica ang “total ban” sa pagdala ug paggamit og cellphone sa tanang tunghaan sa iyang gingsakopan sugod karong Lunes, Hunyo 29, 2026.
Tungod niini, eksklusibong gikuha sa Bombo Radyo Cebu ang linya ni Mayor Gica aron masuta kung unsa na ang mga nag-unang kalamboan sa maong lakang.
Matod pa niya, maayo ang resulta sa meeting nga gipahigayon usab kagahapon, uban tanang School Heads ug District Supervisors sa Districts 1 ug 2, diin gihisgutan ang mga lokal nga polisiya ug ang mga bag-ong programa nga ipatuman alang sa kaayohan sa mga estudyante ug pamilya.
Dugang niya, walay cellphone pa nga na-confiscate, apan siya mismo ang nihangyo nga tagaan og lugway alang sa pag- disseminate kabahin sa kung unsa ang anaa sa maong polisiya, aron mas adunay kahibalo ug kalam ang mga estudyante ug mga ginikanan kabahin sa esktriktong pagdili sa mga cellphone sa tanang tunghaan sa Dumanjug, Cebu.
Samtang, gisaysay usab ni Mayor Gica kung unsa ang nakapa-aghat niya sa pagpatuman niini nga polisya, diin matod niya, basi sa kasamtangang “alarming situations” sa mga estudyante ug ingun man basi sa mga taho nga iyahang nadawat gikan sa mga school heads.
Gikanayon niya nga sa iyahang taas nga naglingkod sa iyahang katungdanan, iyahang na obserbaran nga nagkagrabe ang mga bata karon kumpara niadtong unang panahon, bisan paman sa ka ‘advance’ sa panahon tungod sa gadgets nga anaa nila karon, ug dugang niya, kung gitarung lang kini og gamit, mas-advance pa gyud unta.
Busa, ang nag-unang rason nganung gipatuman niya ang ‘total ban of cellphones’ sa mga tunghaan sa Dumanjug, tungod kay buot ug gusto niya nga ang mga estyudante karon, mahibalik sa kung unsa ang tradisyon.
Kini naglangkob sama sa pakigduwa, ug bisan unsang engagement nila sa ilahang mga classmates sulod sa campus, imbes na mag sige og gugol sa ilahang oras sa cellphones lang.
