MANDAUE CITY-Nakig-alayon si Mandaue City Mayor Jonas Cortes sa iyang mga abogado aron tukion pag-usab ang desisyon sa Ombudsman nga masuspenso siya og usa ka tuig tungod sa grave misconduct.
Matud ni Atty. Jamal James Calipayan, ang Mandaue City Administrator, niingon nga andam si Cortes sa paghurot sa tanang magamit nga legal nga remedyo sa pag-apelar sa iyang pagkasuspenso.
Gihimo ni Calipayan ang pag-atubangan sa media sa Sugbo aron tubagon ang mga pangutana sa pagkasuspenso ni Cortes tungod kay nagkapuliki ang mayor sa pag-atiman sa laing kabalaka.
Ingon man nga giangkon ni Calipayan nga ang pagkasuspenso dili usa ka surpresa alang kang Cortes apan, naguol gihapon kini kaniya.
Gitambangan sa abogado ang mayor nga magpadayon sa pagkupot sa katungdanan hangtod nga makadawat siya og kamanduan sa pagpatuman nga magtumbok kung kanus-a ipatuman ang suspensiyon.
Ug sa giluwat nga official statement ni Mayor Jonas Cortes nga bisan paman sa iyang giatubang karon nga hagit kay mipasalig kini nga magpabilin ug magpadayon ang iyang pagserbisyo sa katawhan sa dakbayan sa Mandaue.
