Magpakatap sa 1,600 ka mga personahe sa kapulisan ng Mandaue City Police Office (MCPO) para sa nagsingabot sa Fiesta Señor Traslacion sa umaabot Huwebes, Enero 15, 2026.
Kini ang gikumpirmar ni Police Col. Cirilo Acosta Jr., ang City Director sa MCPO sa eksklusibng pakighinabi niini sa Bombo Radyo Cebu News Team.
Kun diin kagahapong adlawa sa Lunes, Enero 12 kay nagpahigayon ang MCPO ug Send-off Ceremony para sa mga sakop niini nga giduyogan ni Mandaue City Mayor Thadeo “Jonkie” Ouano.
Ubanan ang mga sakop sa kapulisan sa dakbayan sa Mandaue sama sa Armed Forces of the Philippines, Bureau of Fire Protection, Philippine Coast Guard, Mandaue City Disaster Risk Reduction and Management Office, Traffic Enforcement Agency of Mandaue, Barangay Public Safety Officer, ug volunteers gikan sa University of Cebu Lapu-Lapu and Mandaue.
Gani kun itandi sa nakalabayng tuig kay ang ihap sa mga ipang-deploy nga kapulisan karon kay doble na aron sa pagpangandam sa nabag-ong dagan sa kalihukan diin ang imahen sa Señor kay mag-overnight kini sa National Shrine of St. Joseph.
Pahimangno sa opisyal ngadto sa publiko nga likayan ang pagdala sa mga ginabawal nga mga gamit atol sa Traslacion diin mubaktas kini gikan sa dakbayan sa Sugbo padulong sa sentro sa dakbayan sa Mandaue.
