-- ADVERTISEMENT --
CEBU – Gilugwayan pa ang “medical leave” ni Cebu City Mayor Edgardo Labella diin laing semana ang igahin niini sa balay tambalanan human kini ma-confine gumikan sa pagsige ug ubo.
Gilauman unta nga mobalik sa trabaho ang Mayor gahapong adlawa, Hulyo 19, 2021.
Kasamtangan karon nga gidumala ni Cebu City Vice Mayor Michael Rama isip Acting Mayor ang syudad sa Sugbo.
Nasayran nga ang kasamtangang “medical leave” sa Mayor mao ang ika-tulo na kahigayon niini nga ‘on-leave” sukad niadtong buwan sa Enero gumikan sa ear infection niini, ingon man niadtong buwan sa Hunyo subay sa pagrecover niini sa iyang sepsis.
