Naghiusa ang nagkalain-laing ahensya sa gobyerno aron batokan ang nagkadakong problema sa ilegal nga patigayon sa tabako sa tibuok nasod.
May kalabotan niini, gipasiugdahan sa Department of Agriculture (DA) ug National Tobacco Administration (NTA) ang ikatulong International Tobacco Summit nga nagdala sa temang “Leveraging Growth, Securing Futures: Enhancing Livelihood and Revenue against Illicit Trade.”
Nisentro ang summit sa pagpangita og solusyon sa mga hagit sa ekonomiya ug sa pagkawala sa P141-bilyon nga kita sa gobyerno tungod sa ilegal nga negosyo sa tabako sa Pilipinas gikan sa tuig 2024 hangtod 2025. Kini nga krisis miresulta usab sa pagkahuyang sa empleyo ug panginabuhian sa sektor sa agrikultura.
Gilauman nga mosalmot sa maong summit ang mga opisyal sa gobyerno, mga regulator, mga ahensya sa pagpatuman sa balaod, mga stakeholder sa industriya, ug mga eksperto gikan sa nagkalain-laing nasod.
