Gipasalig sa gobyerno sa Iran nga ang Strait of Hormuz nagpabilin nga bukas sa internasyonal nga pamatigayon, gawas sa mga barko nga iya sa Estados Unidos ug Israel.
Ingon man nga gisalikway ni Iranian Foreign Minister Abbas Araghchi ang mga kabalaka nga hingpit nilang gisirhan ang nahisgutang agianan.
Sumala sa opisyal, ang mga oil tanker ug uban pang mga barko sa ilang gituohang mga kaaway lamang ang hugot nga gidili sa pagbiyahe agi sa nahisgutang dagat.
Dugang niya nga ang tanan nga uban pang mga klase sa barko nga wala’y kalabotan sa ilang mga kaatbang gitugotan gihapon nga moagi.
Kinahanglan nga matikdan nga sa wala pa kini nga pagklaro, daghang mga insidente sa pagpamomba sa mga barko ang natala sa nahisgutang dagat taliwala sa nagkagrabe nga tensyon sa rehiyon.
Apil niini ang pag-atake sa usa ka barko sa Thai, nga sa ulahi miinsistir nga wala kini partisipasyon o kalambigitan sa nagpadayon nga gubat.
