Gipangbungkag na ang mga DSWD family tents sa Northern Cebu subay sa pagpangandam sa bagyong Tino.
Diin ang mga Internally displaced persons (IDPs) sa evacuation center sa Barangay Agujo, Daanbantayan kay nag-iyahay na og bitbit sa ilang mga kabtangan.
Ang mga personahe sa kampo sa DSWD Field Office 7, uban sa hugot nga koordinasyon sa lokal nga gobyerno sa Daanbantayan, nagsiguro nga luwas ang mga IDP sa dili pa mokuso-kuso ang bagyo.
Ingon man nga subsob usab ang mga coordination meeting sa lain pang bahin sa Amihanang Sugbo sama sa San Remigio diin nauyonan nga ang mga IDPs nga temporaryong nagpabilin sa mga evacuation camp mahimong mobalik sa ilang mga balay o magpabilin uban sa ilang mga paryente alang sa kaluwasan.
Samtang, ang uban mahimong magpabilin sa mga modular tent nga gitukod sa Department of Human Settlements and Urban Development (DHSUD).
