Misaad ang House Prosecution panel og dugang ug mas lig-on nga ebidensya batok kang Bise Presidente Sara Duterte.
Sumala ni panel member, Rep. Ysabel Maria Zamora nga ang mga ebidensya nga mitumaw batok sa bise presidente usa lamang ka tipik sa kinatibuk-ang ebidensya.
Dugang niini nga ang panel mopagawas og dugang ebidensya sa higayon nga magsugod na ang impeachment trial.
Sa milabay nga adlaw, naporma ang prosecution team, nga naglakip sa 11 ka beterano nga mga magbabalaod nga susamang mga abogado.
Sumala ni Zamora, ang panel nangandam na ug ang matag miyembro gikatakdang bahinon ang ilang tagsa-tagsa ka mga isyu ug piho nga mga kaso batok sa presidente.
Para sa magbabalaod, mahimo siyang usa sa mga modumala sa isyu sa ‘grave threat’ o ang hulga nga gihimo ni VP Sara kang Pang. Ferdinand Marcos, First Lady Liza Marcos, ug kanhi House Speaker Martin Romualdez.
Gipaniguro ni Zamora nga adunay dugang ebidensya nga naghulat nga ablihan ug ipresentar sa publiko isip suporta sa matag alegasyon batok sa bise presidente.
