Mga kabaw nga naglangoy sa linaw, gikalingawan sa netizens

Nakakuha karon og halapad nga atensyon ang usa ka panon sa mga kabaw nga naglinya samtang naglangoy-langoy sa Laguna de Bay nga nakapalingaw sa daghang netizens.

Sa video nga kuha ni Jessa Padua, makita ang kapin siyam ka kabaw nga malinawon nga naglangoy sa bahin sa lawa sakop sa Cabuyao.

Matud pa ni Jessa, kuha pa kini atol sa ilang bakasyon niadtong miaging tuig human sila nagpaabot og sunrise ug mangisda sa daplin sa linaw.

Sumala niya natingala sila sa ilang nakita tungod kay unang higayon nila makakita og mga kabaw nga naglangoy sa tunga sa lawa.

Nagkatawa usab ang mga netizens sa viral clip, diin usa ka netizen ang nag joke ug komento nga, “Buti pa sila, natuloy ang outing.”