CEBU – Grabeng kagubot ang nahitabo kagahapong adlawa gumikan na usab sa namugnang tensyon sa tali sa mga tindera sa Sitio Pig , Barangay Ermita sa Carbon Public Market ug sa mga sakop sa Prevention Restoration Beautification and Enhancement (PROBE).
Nagkanayon si Winefredo Mero , ang bise presidente sa Carbohanong Alyansa, nga nagsugod ang maong kagubot tungod sa pagsuway pagpabalhin sa mga karaang tindera pinaagi sa pagbutang og railing ug mga bag-ong mga stalls.
Wa mosugot ang maong tindera tungod sa rason nga unsaon nila pagpaninda sa kagamay sa lugar ug kung ugaling usab nga adunay sunog dili sila dali makagawas gumikan welding man usab ang mga railings nga ibutang.
Samtang, gibutyag ni Anne Arriosa, ang presidente sa Carbohanong Alyansa, nga nipasamot pa sa kalibog ug kaguol sa mga tindera og pipila ka mga residente sa dapit ang paghatud sa notice of eviction diin gihatagan nalang kini og 7 ka adlaw sa pagbiya sa maong lugar.
Nasayran nga gihatag ang among notice niadtong Marso 9 ug kutob nalang sa Marso 16.
