Pipila sa mga nagkadaiyang lokal nga kagamhanan sa Sugbo, ang mideklarar sa pagsuspenso sa klase karong adlawa, gumikan sa posibleng hulga nga kusog nga pag-uwan ang dad-on ni Tropical Depression Wilma.
Pipila sa mga kagamhanan ang mikanselar mao ang lugar sa; Moalboal, Dalaguete, Compostela, Cordova ug Santa Fe sa Isla sa Bantayan, ang misuspenso sa mga klase isip lakang sa kaluwasan.
Samtang, ang mga lungsod sa Naga ug Minglanilla, ug ang mga siyudad sa Talisay ug Carcar mipili sa Alternative Delivery Mode, nga nagtugot sa mga estudyante nga magpadayon sa mga leksyon pinaagi sa modular o online nga mga pamaagi.
Ang siyudad sa Lapu-Lapu mikanselar usab sa mga klase sa face-to-face, nga nagpalugway sa kanselasyon hangtod sa Biyernes ug Sabado.
Matud sa mga opisyal nga ang lista sa mga apektadong lugar mahimong modaghan pa samtang daghang mga LGUs ang mopagawas sa ilang mga nagkadaiyang pahimangno.
Samtang sa pikas bahin, gibutyag sa PAG-ASA nga ang Tropical Depression naporma gikan sa usa ka LPA nga naugmad niadtong Lunes, nga nahimutang sa gawas sa PAR.
Naglihok kini paingon sa kasadpan pipila ka adlaw, diin ang weather bureau nakamatikod sa “taas nga posibilidad” nga kini mokusog ngadto sa usa ka tropical depression sulod sa 24 ngadto sa 48 ka oras.
Ang Pagasa-Mactan nagtaho nga ang Wilma lagmit magdala og kasarangan ngadto sa panagsa nga kusog nga ulan sa Central Visayas gikan sa Huwebes hangtod sa Domingo, Disyembre 7.
Gipahinumdoman sa weather bureau ang mga disaster response team ug mga residente sa mga lugar nga dali maapektuhan sa baha ug landslide nga hugtan ang mga pagpangandam.
