CORDILLERA ADMINISTRATIVE REGION-Nagpadayun ang mga mag-uuma sa paghakot sa ilang mga baligya gikan sa Cordillera bisan pa sa pagbaha nga nasinati dala sa pag-ulan.
Ang Cordillera maoy usa sa pinakadakong tigsuplay sa mga high value crops sa National Capital Region, Ilocos Region, ug Central Luzon.
Karon, mokabat sa 125 ka trak sa mga mag-uuma ang nagdala sa ilang mga produkto sa kinadak-ang agricultural trading center sa Benguet.
Diin ang dakong bulto niini nga mga produkto dad-on sa lain-laing bahin sa Luzon.
Siyam ka trak sa high value crops ang gidala sa Divisoria, unom ka trak ang gidala sa Balintawak, walo sa Urdaneta, Pangasinan, samtang lima ang gidala sa ubang probinsya.
Ang price freeze sa National Capital Region gipataas tungod sa kaylap nga pagbaha kini aron maseguro nga magpabiling stable ang presyo sa mga batakang palaliton sa rehiyon ug dili mapahimuslan sa mga retailer ug mga negosyante ang taas nga panginahanglan sa mga konsumidor, dungan sa pagbutang sa tibuok rehiyon sa state of calamity.
