Mga magsasaysay sa Sugbo angayang maghiusa — Oaminal

CEBU CITY — Giawhag sa manlalaban ug historian nga si Clarence Paul Oaminal ang mga sama niyang magsasaysay nga maghiusa.

Kini human nga napanglantawan ni Atty. Oaminal nga susamang nagkalain-lain na lang ang bersyon sa kasaysayan kung diin nagdepende sa baruganan sa usa ka historian.

Matud ni Oaminal nga kung usa ka Tagalog ang manunulat, kanunay gayud nga bida ang Maynila ug dili gayud malakip ang Sugbo kansang napuno sa kasaysayan.

Sigon pa nga gikinahanglan nga positibo man o negatibo, kinahanglan gayud kana nga ilakip sa pagsuwat og kasaysayan.

Nagkanayun si Atty Oaminal nga gikinahanglang masayud ang mga Pilipino sa tinu-ud nga nahitabu sa kasaysayan, sa Kamaynilaan man o sa Kabisay-an.