Padayon karon gikalingawan ang eksena nga nakita sa Bukidnon diin kabayo ang gigamit imbes nga sakyanan tungod sa kamahal sa gasolina.
Basi sa post sa usa ka Carren Emirose, nasundan niya ang nag-drive-thru sa usa ka fast food chain tungod kay dili sakyanan ang gisakyan kundi kabayo.
Grupo sa mga kalalakin-an ang nagkabayo samtang nag-order sa fast food chain diin milinya usab sila sama sa sakyanan.
Sumala sa post nga dunay caption nga Usual Day In Bukidnon, normal ra nga adunay kabayo sa maong dapit apan ang mag-drive thru maoy nakapahimoot niini.
Samtang sa post usab sa usa ka Don Kurikong, makita na ang maong grupo nga anaa sa highway samtang sakay sa ilang tagsa-tagsa ka kabayo. Miani kini og daghang mga views samtang nagkadaiyang reaksiyon usab ang gipaabot diha sa social media.
Nahimong trending kini sa pagkakarun tungod sa kamahal na sa gasolina rason nga kabayo nalang ang gigamit sa transportasyon.
Apan pangutana pud sa uban, ila ba kahang limpiyuhan ang ugaling magpagawas og hugaw ang kabayo dinha sa highway.
