Ibalhin na sa Sablayan Prison and Penal Farm sa Occidental Mindoro ang mga nakonbikto sa mga kaso nga may kalabotan sa flood control projects.
Kini ang gikumpirmar ni Bureau of Corrections Director General Gregorio Pio Catapang, diin gihimug-atan niini nga ang bisan unsang hangyo sa mga piniriso sa New Bilibid Prison sa Muntinlupa dili ihatag tungod kay kini gipailalom sa usa ka programa sa decongestion o pagpagaan sa gidaghanon sa mga binilanggo.
Gipasiugda usab ni Catapang nga walay espesyal nga pagtratar alang niadtong mabilanggo sa gitawag nga “supermax” nga pasilidad sa Sablayan.
Dugang niya nga ang BuCor nakapalit na og 60 ka ektarya nga yuta sa Palayan City, Nueva Ecija alang sa plano sa unified penology ug correction system isip kabahin sa nagpadayon nga programa sa decongestion sa ahensya.
