Wala usab nagpaulahi ang mga stars ug personalidad sa NBA sa Halloween pinaagi sa ilang nagkalainlaing mga malimbongon ug mamugnaong costume sa wala pa ug human ang ilang mga sangka.
Lakip sa nagpadayag sa ilang pagka-kreatibo mao ang pipila ka sikat nga player sa liga:
Tyrese Maxey (Philadelphia 76ers): Gikabig nga usa sa labing haom nga costume, gihan-ay ni Maxey ang iyang kaugalingon isip ang lehendaryong Sixers icon nga si Allen Iverson, kompleto sa iyang bisti ug aura.
Lauri Markkanen (Utah Jazz): Nagpakita sa iyang bida sa komedya pinaagi sa pagsuot sa sikat nga salida nga “Borat” nga naggikan sa Finland ug naghatag og dakong katawa sa iyang mga kauban.
Pascal Siakam ug Johnny Furphy (Indiana Pacers): Nagpakita sa ilang abilidad sa pag-arte pinaagi sa pagsuot ug pag-recreate sa usa sa mga sikat nga eksena gikan sa salida nga “Training Day”.
Donovan Clingan (Portland Trail Blazers): Giubanan sa iyang paboritong iro nga golden retriever ang iyang pag-abot sa arena samtang nagsul-ob isip mga character nga sila si Russell ug Doug gikan sa sikat nga animated film nga “Up”.
Wala usab nagpaulahi ang mga komentarista ug analysts sa ESPN nga sila si Richard Jefferson, Kendrick Perkins, Chiney Ogwumike, ug Malika Andrews nga nag-all out usab sa ilang mga kataw-anan ug nindot nga mga costume.
Ang maong tinuig nga tradisyon padayon nga naghatag og dugang kalingawan, ug kasadya sa mga fans ug sa tibuok liga samtang nagpadayon ang aksyon sa regular season.
