Nag-iyahay og pagpanghadlok, pa-cute, mga mala barbie, ug wow transformation sa ilang mga Halloween costumes ang pipila ka mga influencers ug celebrities sa Pilipinas.
Sama ni Actress Lovi Poe nga nag-transform og Pennywise, usa ka iconic horror character gikan sa salida nga IT, diin kadaghanan sa iyang mga fans mas nakadayg sa kaanyag nga mipatigbabaw kaysa sa kahadlok.
Nakakuha usab og atensyon ang social media star nga si Niana Guerrero sa iyang pag-recreate sa iconic nga salidang Tsino nga “Farewell My Concubine” atol sa The New Nocturnals Halloween party karong tuiga.
Ang mga content creator nga sila si Lenie Aycardo ug Hajie Alejandro nagbubo gayud og dakong paningkamot alang sa Halloween karong tuiga, diin nag-ilis sila isip sila si Jack ug Rose gikan sa iladong salida niadtong 1997 nga “Titanic.”
Diin ang ilang detalyado ug grandyoso nga presentasyon alang sa Halloween nakakuha sa atensyon sa mga fans, diin usa ka commenter ang nagkomedya, “Dili na ni assignment, —thesis na gyud ni ang ilang gibuhat.”
