CEBU – Gikagu-ul ni Cebu City Mayor Edgardo Labella ang kalit nga pagtaliwan ni kanhi DENR secretary ug environmental activist, Regina Paz ‘Gina’ Lopez.
Gitawag ni Mayor Labella nga usa ka ‘big loss’ si Lopez gumikan sa ka sinsiro niini sa iyahang trabaho sa pagprotihir sa kalikupan.
Matud pa dili angayan nga kalimtan ang legasiya nga gibilin niini bisan pa man sa hamubu lang nga panahon.
Gituhu-an ni Labella nga si Lopez ang nag-inusara nga angayang mudumala sa DENR gumikan sa sinsiridad niini sa pakigbatuk sa mga iligal nga kalihukan nga nagguba sa kalikupan.
Samtang, mipaabut usab ug pahasubu si Cebu Provincial Governor Gwendolyn Garcia ngadtu sa pamilyang Lopez.
Sigon ni Governor Garcia nga nawagtangan ang Pilipinas ug ‘real warrior’ kinsang adunay dedikasyon sa iyahang trabaho isip public servant nga nanalipud sa kalikupan.
Gihimug-atan ni Garcia nga wala na’y makita pa ang gobyerno nga susama ni Lopez nga hilabihan ka matinud-anon sa iyahang gobyerno.
Kahinumduman nga anaa pa sa kongreso si Garcia sa dihang si Lopez ang nahimung DENR secretary niadtung 2016 sa paglingkud ni Presidente Rodrigo Duterte.
