-- ADVERTISEMENT --
CEBU – Gumikan sa walay hunong nga pag-uwan, natala usab ang grabing pagbaha sa pipila ka bahin sa Sugbo partikular na sa dakbayan sa Lapu-Lapu, Talisay, Mandaue ug Cebu City.
Gawas sa mga pagbaha, natala usab ang pagdahili sa yuta diin sa Barangay Banilad, dakbayan sa Sugbo, adunay hingpit nga natabonan nga panimalay diin 16 ka mga indibidwal ang apektado niini.
Kini usab ang nasinati sa Barangay Tingob, dakbayan sa Mandaue diin usa ka istruktura ang nahugno sa maong lugar.
Hinuon, wala may natala nga naangol sa maong insidente.
