CEBU CITY– Subling gihimug-atan ni Atty. Arvin Udron ang Regional Director sa Commission on Human Rights (CHR-7) nga wala mudapig ug dili mudapig ang ilang buhatan sa mga kriminal.
Kini subay sa walay katapusang patay sa Sugbo kung diin sagad sa katawhan mukwestyon ug pangitaon dayon ang CHR.
Gitataw ni Udron nga manubag gyud ang kriminal sa usa ka krimen apan sundon ang balaud.
Hinungdan nga nanawagan si Udron sa gobyerno ug sa kapulisan nga kung makig ‘deal’ sa mga ‘suspected criminals’ siguroon nga masunod ang balaud–nga duna gyuy due process.
Pila matud pa katuig nga gipanday ang maong balaud unya mahulog lamang sa wala tungod kay dili man sundon.
Dugang pa ni Udron nga mamahimong walay pulos ang tanan.Kung ang usa ka pulis dili musunod sa balaud wala gihapon silay kalainan sa mga kriminal.
Subling gibutyag ni Udron nga walay si bisan kinsa ang naay gahom nga kutlu-an ang usa ka tao sa iyang kinabuhi.
