-- ADVERTISEMENT --
Mibalhin sa distance learning ang mga eskwelahan sa tibuok United Arab Emirates human sa sunod-sunod nga mga pag-atake sa Iran bisan pa sa ceasefire tali sa Tehran ug Washington.
Sa usa ka pahayag, ang Education Ministry miingon nga ang remote learning ipatuman sa gikan gahapong adlawa Mayo 5 ngadto na sa Mayo 8 sa tanang nursery, ingon man sa mga pampubliko ug pribadong eskwelahan sa tibuok nasud.
Dugang sa ministry, ang desisyon magamit sa mga estudyante ingon man sa mga kawani sa pagtudlo ug administratibo. Tumong usab sa maong lakang nga masiguro ang kaluwasan sa mga estudyante ug sa tanan nga nagtrabaho sa sektor sa edukasyon.
Ang sitwasyon susihon pag-usab sa Mayo 8 aron mahibal-an kung ang lakang kinahanglan ba nga palapdan.
