CEBU CITY – Giklaro ni Konsehal Joel Garganera nga mamahimo gihapon nga makasulod sa mga sam-ang ang mga indibidwal nga wala nabakunahi gumikan adunay gitagana nga mga adlaw alang kanila.
Si Garganera ang deputy chief implementor sa Cebu City Emergency Operation Center (EOC).
Matod pa ni Garganera, “simplified” na ang guidelines sa oplan kalag-kalag diin sugod Oktubre 18 hangtod sa Nobyembre 5 ipatuman na ang naasoy nga guidelines.
Sigon pa sa konsehal nga sa Nobiyembre 1 ug 2, kadto lang mga vaccinated nga indibidwal ang tugotan nga makasulod sa sam-ang.
Samtang sa Oktubre 18-30 ug Nobiyembre 3-5, makasulod na sa nga sam-ang ug menteryo ang nabakunahan man o wala pa.
Subli usab kini miawhag sa katawhan nga hugot nga motuman sa gilatid nga lagda aron magmalinawon ang kasaulogan sa tinuig nga okasyon./JBR
