Gipasalig sa Philippine National Police nga ilang gukdon ang mga vlogger ug content creator nga nagpakaylap og sayop nga impormasyon online.
Naglakip kini sa mga naghimo sa mga senaryo sama sa mga krimen ug mga aksidente ug uban pang content nga daw tinuod.
Matod ni PNP Chief Police General Nicolas Torre III, kini tungod sa mga video nga nikatap sa social media, sama sa peke nga pagpang-hold up sa bus sa Sugbo.
Gikutlo usab ni Torre ang usa ka karaang video sa usa ka giingong kidnap prank isip pananglitan.
Girespeto sa PNP ang kagawasan sa pagpadayag, apan ang mga materyales nga makamugna og kahadlok, kabalaka, ug pagdaot sa panginabuhian sa publiko dili angay itugot.
Ingon man nga nihangyo si Torre nga mahimong responsable sa paghimo og content sa social media aron dili mabutang sa peligro ang seguridad ug kahapsay sa publiko.
