CEBU CITY — Pabor si cebu City Mayor Edgardo Labella nga gipaubos gihapon sa Modified General Community Quarantine (MGCQ) ang dakbayan sa Sugbo.
Segon kang Mayor Labella nga maayo nga anaa gihapon sa MGCQ ang dakbayan sanglit gikinahanglan gihapon matod pa niini nga adunay restrictions gumikan sa presensiya sa coronavirus.
Matod sa Mayor nga alang kaniya di maayo nga wagtangon ang quarantine status apan kinahanglan nga anaa usab ang pipila ka mga restrictions alang sa mga negosyo nga luwas nga maka-operate ning panahon sa pandemya.
Samtang ning umaabot nga kalag-kalag hugot na nga gipamonitor sa Mayor ang mga sam-ang sa dakbayan diin lakip sa gitahasan niini si Cebu City Councilor Dave Tumulak ug ang PROBE Department aron adunay strict implementation and regulation.
Una nang nisunod ang Cebu City government sa mando sa Malakanyang sa temporaryong pagpasira sa mga sam-ang sugod sa Oktubre 29 karong adlawa ngadto na sa Nobyembre 4 ning kasamtangang tuig.
