CEBU CITY — Dako ang tsansa nga mahimong champion sa 2020 NBA Bubble Finals mao ang Miami Heat.
Kini ang ‘fearless forecast’ sa usa ka batid sa pa-ugnat sa kusog ug Bombo US Correspondent, Daniel Quindao Guden.
Gibutyag ni Guden nga sa wala pa mubalhin sa LA Lakers si Lebron James, giingong gikan usab kini sa Miami Heat ubos sa ‘coaching’ ni Erik Spoelstra.
Matud pa nga nabasa na ni coach Spoelstra ang duwa ni James, hayan dako ang tsansa nga mapangandaman na kini sa Heat.
Dugang pa niini nga walay mahitabong ‘sweep’ gumikan kay beterano na ang naasoy nga coach sa Miami, hayan dili usab angayan nga mo kumpyansa ang Lakers.
Hinuon, wala usab gisalikway ni Guden nga pabor usab ang Lakers sa maong duwa, diin inilog ang maong team, init ang pustahanay, ug walay pagduda nga mga maayo usab ang players niini, ingon man ang ilahang head coach nga si Frank Vogel.
Nagkanayon ang naasoy nga sports aficionado ug writer nga kulba-hinam ang umaabot nga NBA Finals diin magsugod sa Oktubre 1, alas 9 sa buntag, oras sa Pilipinas. /sbr/gn
