-- ADVERTISEMENT --
Gipamub-an na lang sa unom ka adlaw ang tinuig nga joint military drills sa South Korea ug US, sumala sa South Korean defense ministry, agi’g pag-uyon sa hangyo sa US.
Busa, ang 2026 Ulchi Freedom Shield exercise ipahigayon na lamang gikan Agosto 21 hangtod 27 sumala sa gihangyo sa White House.
Gipahayag usab ni South Korean Foreign Minister Cho Hyun nga misugot na lamang sila sa maong bag-ong plano. Bisan pa man niana, wala niya gipahayag nga ang posible nga hinungdan mao ang pagsupak sa South Korea sa desisyon sa US nga makiggubat sa Iran.
Samtang gipahinumdoman usab nga una nang gipahayag ni US President Donald Trump nga nakatakda niyang makigtagbo sa usa ka tigom si North Korean leader Kim Jong Un sa mga mosunod nga bulan.
