Nikabat na sa 19 ang patay, samtang kapin sa 160 ang naangol human nahagsa ang Bangladesh Air Force F-7 BGI training jet sa usa ka eskwelahan sa kaulohang Dhaka.
Nahagsa ang training jet sa three-storey school building nga Milestone School and College campus, kansa nahimutang sa Uttara neighborhood.
Subay sa imbistigasyon, kadaghanan sa mga nangaangol ang nakasinati og severe burns.
Daling mikaylap ang mitumaw nga sunog sa tunghaan rason sa nahitabong kaguliyang sa mga estudyante ingon man sa mga magtutudlo.
Nideklarar ang maong nasud og National Day of Mourning, samtang nisaad usab si Interim leader Muhammad Yunus og masusing imbistigasyon sa maong panghitabo.
Nasayran usab nga ang maong training jet kay gimugna sa China.
Naila kini isip Chinese-made F-7 BGI, kini na usab ang ikaduhang higayon nga dunay nahagsang susamang aircraft sa maong rehiyon karong tuiga, rason nga daghan sa mga kritiko ang nabalaka sa maong aircraft model.
