CEBU CITY — Nahimong hapsay ang pagpabalik sa santos nga misa sa may Basilica Minore del Sto. Niño sa dakbayan sa Sugbo gumikan sa pagsanong sa mga manimbahay sa mga protocols.
Kini human nga gitugutan sa Inter-Agency Task Force (IATF) ang pagpahigayon sa mga religious activities sa simbahan ubos sa general community quarantine (GCQ).
Sigon sa usa sa mga safety officer sa BMSN nga si Allen Saga nga daan nang nagpakisayud ang mga guard-on-duty sa mga bisita kung manimba ba sila o managkot.
Kini aron mamentenar ang limitadong capacity ngadto sa 350 ka mga manimbahay sa sulod sa Pilgrim Center.
Sa gihapon, sundon sa mga katoliko ang mga protocols sa dili pa mosulod sa basilica sama lang sa paghunaw sa handwashing station, pagpa-check sa kainiton sa lawas, pagtunob sa footbath, ug pagpakita sa quarantine pass.
Samtang gi-disinfect ang matag lingkoranan sa pilgrim center matag human sa misa aron dili na mokuyanap ang kagaw.\
Dugang pa ni Saga nga modu-aw ang evaluation team gikan sa City Government aron masubay kung nisunod ba ang mga tawo sa mga protocols.
Hangyo karon sa mga safety officers sa publiko nga mosunod kanunay sa mga lagda alang sa luwas nga pagsimba ning panahon sa pandemya. /gn
