All set na ang Miss Grand Philippines 2025 coronation night nga gikatakda karong Agosto 12, nga ipahigayon sa sikat nga mall sa Pasay.
Mokabat sa P500 (general admission) ngadto sa P10,000 (SVIP) ang mga ticket ug mahimo usab nga makatan-aw sa event pinaagi sa live sa official YouTube channel sa pageant.
Ingon man nga ang Pilipinas adunay kahigayonan nga makab-ot ang sunodsunod nga kadaugan sa Miss Grand International pinaagi sa paghulip kang CJ Opiaza —ang unang Pinay nga gikoronahan nga Miss Grand International.
Gawas sa korona sa Miss Grand Philippines, tulo pa ka mga titulo ang giandam nga mao ang: Miss Asia Pacific International Philippines,
Reina Hispanoamericana Filipinas, ug Face of Beauty International Philippines.
Kahinumdoman nga mipatigbabaw si Opiaza gikan sa first runner-up aron sa kataposan makadaog sa internasyonal nga korona niadtong Hunyo 3 sa Thailand, nunot sa pag-atras ni Rachel Gupta sa India tungod sa wala pag-uyon sa organisasyon.
