Kasong murder ang ipasaka sa Dalaguete PNP batok sa usa ka 59-anyos nga lalaking ex-convict human iyang gitigbas patay ang iyang 30-anyos nga exconvict nga amigo niadtong Huwebes, Hunyo 11, 2026.
Gilla ang suspitsado nga si Ponciano ”Poncing” Pueblo, 59-anyos,ex-convict, ang mitigbas patay sa iyang amigo nga si Junard Guntib, 30 anyos didto sa Barangay Balud, Lungsod sa Dalaguete niadtong Hunyo 11, 2026.
Daling nadakop si Pueblo sulod sa 40 minutos sa gipahigayon nga hot pursuit operations sa Dalaguete PNP sa pagpangulo ni PMAJ Vincent Zozobrado
Base sa inisyal nga imbestigasyon miasoy ang suspek nga si Pueblo nga kalit gihapak ni Jun ang ibabaw nga bahin sa double deck nga gikatulgan ni Poncing niadtong higayona inubanan sa pagpamalikas.
Hinungdan nga nakurat ang suspitsado ug natukaw ang iyang pagkatulog apan mas nag-init iyang ulo sa dihang gihagit siya sa biktima og nga hulbuton ang iyang pinuti.
Tungod niini, gidunggab ni Poncing sa buko-buko si Jun apan nakadagan kini ug iyaha kini nga gigukod paingon sa highway ug didto niya gitigbas sa makadaghang higayon nga maoy hinungdan sa kamatayon sa biktima.
Matud pa ni PMaJ Vincent Zozobrado, Hepe sa Dalaguete PNP gikataho na ang biktima ug suspek aduna nay mga kasong murder ug pagpayuhot ug ilegal nga drugas nga hinungdan sa ilang pagkabilanggo sauna ug mao nang nagkasuod silang duha tungod kay nagkaila sila sa presohan ug sa ilang pagkagawas midesisyon sila nga mipuyo ang biktima.
Samtang Ila pang gisusi kung naa bay kalambigitan sa ilegal nga drugas atol sa maong panghitabo ug mipahimangno si PMAJ Zozobrado, sa publiko nga di ipalabi ang kainit sa ulo aron di makadisgrasya.
