CEBU CITY-Sikop ang usa ka miyembro sa Abu Sayaf atol sa gipahigayong joint operations sa Philippine National Police, Intelligence Group-Regional Intelligence Unit 7(IG-RIU7), Military Intelligence Group (MIG-7), Regional Intelligence Unit 9 (RIU 9), Regional Intelligence Division 7, Labason Municipal PS ug Zamboanga Del Norte Police Provincial Office sa MJ Cuenco St. Brgy. Tinago dakbayan sa Sugbo.
Giila ang dinakpan nga si Jimmy Igpit Marababol, member sa Daulah Islamiyah Terrorist Group.
Nadakpan si Marababol sa pinaagi sa warrant of arrest sa kasong kidnapping and serious illegal detention.
Nasayran nga niadtong 2018 miadto si Marababol sa Sulu human nga kini milakip na sa naasoy nga terrorist group apan human nga mamanay a ang lider sa subgrupo niini nga si Jamilon Wahab ug Black Moro mibalik si Marababol sa Cebu ug nagtago-tago.
Siya usab ang prinicipal suspect sa pagkidnao ni Jelster “Jade” Quimbo, ang anak ni Labason , Zamboanga Mayor Eddie Quimbo niadtong Sept. 6,2017 kung diin mihatag og P10-M ransom money ang pamilya Quimbo apan wala matud pa ma-release si Jade.
Niadtong nakalabay nga tuig, ika-30 sa Disyembre na-release si Jade human maghatag og P13-M ransom money ang pamilya.
Naa sa kustodiya karon ang dinakpan sa Regional Intelligence Unit-7 alang sa documentation and disposition.
Refer to this link for the actual video: https://www.facebook.com/BomboRadyoCebu963/videos/2453512381422064/
