Patay ang usa ka lalaki ug ang angkas niini nga babaye human malatayi sa trailer truck sa Cebu South Coastal Road sa Barangay Mambaling sa dakbayan sa Sugbo, kagahapong adlawa Biyernes, Agusto 29, 2025
Giila ang mga biktima nga sila si Romiel Gapate, 31-anyos residente sa Sitio Ponce 2, Barangay Carreta, ug angkas niini nga si Stephanie Zundit, 21-anyos taga Mandaluyong Badian, trabahante sa usa ka cellshop sa usa ka mall sa SRP.
Base sa imbestigasyon sa Traffic Enforcement Unit (TEU) sa Cebu City Police Office (CCPO), samtang naglatas sa susamang direksyon ang motorsiklo ug ang trailer truck nga gimaneho ni Noreno Santarita, 48-anyos mikalit lang og sulod sa inner lane ang motorsiklo hinungdan nga nabangga-an kini ug nangatumba kauban ang angkas nini ug nalatayan sa trailer truck, nga miresulta sa ilang kamatayon.
Gikatahong gihatod unta ni Gapate, ang iyang angkas, nga uyab sa iyang igsuon aron moduty sa dakong mall apan nakasugat na hinuon kini og disgrasya.
Sigun usab sa mga witnessed, gibusinahan nila ang biktima aron sa pagpahimangno nga dili mo sulod sa inner lane apan mikalit lang kini ug sulod sa left lane.
Kasamtangan nga gitanggong sa TEU custodial facility si Santarita ug mag-atubang kini og kasong Reckless Imprudence Resulting in Double Homicide ug Damage to Property.
