Nagpahayag og kabalaka ang NTF-ELCAC sa nagkadakong pagdani sa New People’s Army (NPA) sa mga menor de edad ug mga langyawng indibidwal, nga ilang giingong timailhan sa pagkunhod sa lokal nga suporta sa grupo.
Sumala ni Executive Director Usec. Ernesto C. Torres Jr., gipakita sa bag-ong mga engkwentro sa Negros Occidental ug Samar ang presensya sa mga menor de edad ug langyaw sa armadong panagsangka.
Sa engkwentro niadtong Abril 19, 2026 sa Toboso, Negros Occidental, anaa sa 19 ka miyembro sa NPA ang namatay, lakip ang duha ka American national nga giila nga sila si Lyle Prijoles ug Kai Dana-Rene Sorem, base sa report sa kapulisan.
Gikumpirma sa Philippine National Police nga duha sa mga namatay menor de edad—16 anyos ug 17 anyos.
Sa laing engkwentro niadtong Abril 17 sa Samar, usa usab ka menor de edad ang namatay, sumala sa Philippine Army.
Miabot na sa tulo ang gidaghanon sa mga menor de edad nga namatay sulod sa pipila ka adlaw.
Matud sa NTF-ELCAC, ang pag-recruit o pagdani sa kabataan naglapas sa International Humanitarian Law ug sa mga balaod sa nasud.
Giingon usab sa ahensya nga ang presensya sa mga langyaw nagpakita sa pagpalapad sa recruitment sa grupo.
Giawhag ang publiko nga magbantay aron mapanalipdan ang kabatan-onan batok sa peligro ug eksploitasyon.
