Gipaambit online sa kanhi Miss Universe Philippines 2020 Rabiya Mateo nga personal nga kasinatian niini sa mental health disorder niadtong 2025.
Sumala pa sa post sa Facebook page ni Mateo isip awareness sa kadaghanan kay niadtong nakalabayng tuig siya na diagnosed sa depresyon ug anxious distress diin pipila ka rounds sa medikasyon agn gikinahanglan niyang tumanon.
Gani midesidir pa kini nga mubiya sa nasud sulod sa 3 ka buwan aron dili ma-trigger sa mga tawong nagpalibot niya kansang walay alamag sa iyang kasinatian sa kahimsog sa pangutok.
Gikabutyag pa sa beauty queen nga niadtong panahona kay kada adlaw siyang makasinati og kalisud ug gustong mupalayosa tanan apan ang kadasig sa pagpakabuhi ang mipatigbabaw.
Giangkon niini nga sukad niadtong nabalitaan niya ang nahitabo kang Emman Atienza – ang babayeng anak ni Kuya Kim Atienza, kay nadasig kini dili mawad-an sa paglaom aron walay sakit sa dughan nga mahatod sa iyang pamilya ilabi na sa iyang inahan.
Gidasig niini ang publiko nga magbaton og kamaayong pamatasan sa tanan tungod kay lisud ang kahimtang kugn makasinati sa susamang kakulian ilabi na sa mga depressed nga mga indibidwal.
