Namatay sa airstrike sa US sa mga barko sa Venezuela, nisaka na sa 87

Moabot na sa 87 ka tawo ang namatay sa gipakusog nga operasyon sa US sa Caribbean.

Sukad sa paglusad sa “Operation Southern Spear” niadtong Setyembre, anaa na sa 23 ka mga barko sa pagpayuhot og droga sa Caribbean ug sidlakang Pasipiko ang nalunod sa mga airstrike sa US.

Kadaghanan sa 23 ka managlahing airstrike sa US gihimo sa kadagatan sa Venezuela ug Colombia.

Giisip sa US nga ang mga tawo nga sakay sa mga barko nga ilang gilunod mga “narco-terrorist”.

Kahinumduman nga ang US nagpadala na sa iyang barkong panggubatan sa lugar aron hingpit nga bantayan ang pagkaylap sa ilegal nga droga sa lugar.