Gibarugan ni House Committee on Appropriations Chairperson Rep. Mikaela Suansing nga ang national budget alang sa 2026 ug ang gisugyot nga budget alang sa 2027 walay mga insertion o pork barrel.
Gipaniguro sa magbabalaod nga transparent ang ilang deliberasyon sa national budget alang sa 2026.
Gipakita usab niya ang tanang institutional amendments nga gilakip sa budget.
Mahitungod sa proposed budget alang sa 2027, gipasabot ni Rep. Suansing nga ang pag-draft sa National Expenditure Program (NEP) anaa lamang sa hurisdiksyon sa Executive Branch.
Hugot usab niyang gihimakak ang mga pasangil nga adunay pork barrel o insertion sa proposed budget, tungod kay sa pagkakaron, wala pa masusi sa Kongreso ang mga detalye sa NEP.
Gihimo ni Suansing ang maong klaripikasyon human pormal nga gisumite sa Department of Budget and Management (DBM) ngadto sa House of Representatives kagahapon, Agosto 11, ang P7.2-trilyon nga National Expenditure Program (NEP) alang sa fiscal year 2027, nga nagsilbing proposed budget sa administrasyong Marcos.
