Gisuportahan sa Department of Budget and Management (DBM), nga nag-andam ug nag-umol sa National Expenditure Program (NEP) sa administrasyong Marcos, aron i-livestream ang mga deliberasyon sa bicameral conference committee sa gisugyot nga P7.2 trilyon nga nasudnong pundo sa 2027.
Matod ni Budget Acting Secretary Kim de Leon, adunay mga diskusyon kalabot sa pag-abli sa bicam deliberations ngadto sa publiko dungan sa pag-uswag sa funding proposal sa Kongreso.
Kalabot niini, ang kalihim nagkanayon nga welcome alang sa departamento ug ilang gisuportahan ang mga lakang padulong sa mas abli o transparent nga proseso sa bicameral.
Matod niya nga ang transparent budget deliberations makatabang sa publiko nga masabtan kon giunsa paggasto ang kuwarta sa mga magbubuhis ug makapalig-on usab kini sa accountability ug pagsalig sa gobyerno.
‘We are doing this at a time when Filipinos are demanding greater transparency and accountability in the use of public funds. We welcome that scrutiny. If public money is involved, public scrutiny should never be treated as an inconvenience,” pasabot ni de Leon.
Kon magmalampuson, kini na ang ikaduhang higayon nga ang bicam deliberations i-livestream human sa unang pag-abli niini sa publiko niadtong Disyembre 2025 samtang ang 2026 national budget ang gituki.
Sa nahibaw-an sa publiko, sa deliberasyon sa Bicameral Conference Committee (Bicam), ang Senado ug ang House of Representatives naghiusa o nag-reconcile sa lain-laing bersyon sa ilang budget bills.
