Gipadayon ni Nueva Ecija Representative Mikaela Angela Suansing ang iyang baruganan nga walay pondo nga giisip nga “pork barrel” nga gisulod sa gisugyot nga 2027 national budget o General Appropriations Bill (GAB) sa House of Representatives.
Kini sukwahi sa mga pagsaway nga gipahayag sa mga progresibong grupo ug mga budget observers.
Matod ni Suansing, walay bisan gamay nga pondo nga mahimong isipon nga pork barrel sa 2027 budget, lakip na ang Local Government Support Fund (LGSF).
Gisaway sa mga grupo sa oposisyon ang LGSF ug gihulagway kini isip “President’s Pork” tungod sa ilang pagtan-aw nga mahimo kining usa ka discretionary fund o pondo nga magamit base sa desisyon sa mga opisyal.
Apan, gipunting ni Suansing nga wala giila sa Department of Budget and Management (DBM) ang LGSF isip pork barrel fund.
