NATO, gikondenar ang drone attack sa Russia sa Romania

Gikondenar sa North Atlantic Treaty Organization (NATO) ang giingong pag-atake sa drone sa Russia nga miigo sa daghang balay sa Romania.

Ang insidente hinungdan sa kaylap nga sunog ug nakasamad sa duha ka tawo.

Nahitabo ang pag-atake sa lungsod sa Galați, duol sa utlanan sa Ukraine.

Giingon sa NATO nga ang maong aksyon sa Russia usa ka klarong paglapas.

Matud sa mga opisyal, nakit-an na ang mga drone sa Russia sa daghang higayon sa utlanan sa Romania, apan kini ang unang higayon nga adunay mga sibilyan nga nasamdan.

Gikumpirma sa Ministry of Defence sa Romania nga gigamit dayon niini ang F-16 fighter jets human namatikdan ang presensya sa mga drone.