NAGA CITY, CEBU- Malampuson ang gipahigayon nga Amphibious Operations Capability Demonstration diin gipasiugdahan sa Naval Forces Central (NAVFORCEN) sa Hukbong Pandagat ng Pilipinas (Philippine Navy) uban sa ilang mga Reservist Force sa Oceanside, South Poblacion, dakbayan sa Naga sa habagatang bahin sa Sugbo kagahapong adlawa sa Biyernes Oktubre 4, 2024.
Gi-demonstrate niini sa mga pwersa sa NAVFORCE ang ilang abilidad sa higayong adunay komprontasyon o opersayon sa area of responsibility atubangan sa mga nawng sa kaaway.
Pinaagi sa MOBEX naghatag kini sa Philippine Navy nga epektibong motubag sa mga mitumaw nga mga hulga ug magpabilin nga nag-una sa mga potensyal nga mga kaaway.
Gikan sa gipauswag nga pagpangandam ug gipalig-on nga koordinasyon hangtod sa pagpalambo sa kahanas, ebalwasyon sa kagamitan, internasyonal nga kooperasyon, ug pagpalig-on sa pagsalig sa publiko, diin kini nga mga ehersisyo adunay hinungdanon nga papel sa pagsiguro sa pagka-epektibo sa navy sa pagpanalipod sa nasudnong seguridad.
Ingon man nga pinaagi sa aktibong pag-apil niini nga mga ehersisyo, ang Philippine Navy makapadayon sa pag-uswag ug pagpahaom sa mga nag-ung-ong nga mga hagit, pagpalig-on sa posisyon isip usa ka may katakus ug respetado nga pwersang maritime sa rehiyon.
Samtang, human sa Amphibious Operations Capability Demonstration, mialagad usab sa publiko ang mga personnel sa libreng Community Outreach Activity niini sa samang dakbayan nga naghalad og mga serbisyo sama sa libreng tuli, libreng paibot og ngipon, haircut, ug uban pa.
Ang maong adktibidad usa ka mahinungdanong okasyon, nga nagpasiugda sa mga paningkamot sa Navy sa pagpadayon sa kaandam ug panaghiusa sa depensa sa kadagatan.
