-- ADVERTISEMENT --
Gikanselar sa National Basketball Association ang gikatakdang duwa tali sa Miami Heat ug Atlanta Hawks tungod sa hulga sa Hurricane Milton.
Ang duwa gikatakda sa Biyernes, Okt. 11 sa Kaseya Center, apan tungod sa hulga sa maong bagyo kinahanglan kining temporaryong kanselahon.
Matod sa NBA, karong Oktubre 17 na lang kini ipahigayon, pipila na lang ka adlaw sa dili pa magsugod ang regular season.
Ang Hurricane Milton usa ka Category 5 nga hulga sa Florida, ang estado diin nakabase ang Miami Heat.
Nasayran nga ang nasangpit nga duwa maoy ikaduhang preseason schedule sa Heat ug Hawks.
-- ADVERTISEMENT --
