Hugot nga gihimakak sa National Bureau of Investigation (NBI) nga ang pag-aresto sa online media network personality nga si Franco Mabanta ug uban pa, giingong gituyo aron pag-atake sa kagawasan sa prensa.
Mismong si NBI Dir. Atty. Melvin Matibag mihimakak niini ug mipilit nga supak siya sa bisan unsang insidente o kalihokan nga moatake sa ‘press freedom.’
Miingon siya nga adunay klaro nga ebidensya sa iyang kalambigitan sa giingong pagpangilkil sa kwarta, busa lahi ang krimen sa ‘press freedom,’ ug miingon usab siya nga ang gitawag nga ‘kagawasan sa pagpahayag’ adunay kaubang responsibilidad.
Bisan tuod gipanalipdan ang ‘press freedom’ sa publiko o media, gipasiugda sa direktor nga ilang ipadayon ang ilegal nga mga kalihokan.
Sa pagkakaron, ang NBI nagpadayon sa pag-imbestiga sa lain-laing mga anggulo sa krimen o ilegal nga mga kalihokan nga mahimong madiskobrehan.
Gipasalig usab nila nga ibase lamang nila ang ilang imbestigasyon sa ebidensya ug sigurohon nga kini himuon nga patas.
Ang mga nadakpan posibleng mag-atubang og kasong Robbery (Extortion) nga may kalabotan sa paglapas sa Republic Act No. 10175 o ang Cybercrime Prevention Act of 2012.
Kini tungod sa pagdawat sa marked money sa NBI, nga kabahin sa gipangayo nga hangtod sa 300 milyon ka pesos isip kompensasyon baylo sa wala pag-publikar sa video batok sa kanhi House Speaker Martin Romualdez.
