Giaprobahan sa National Economic And Development Authority o kon Neda Board nga gipangulohan ni Presidente Ferdinand “bongbong” Marcos Jr. ang Philippine Digital Infrastructure Project nga mopalig-on sa Broadband Connection sa tibuok nasod, partikular na sa mga hilit nga dapit.
Matod sa Presidente, ang Philippine Digital Infrastructure Project maghatag og Wifi Connectivity for Education, Jobs, ug Economic Growth.
Gisuportahan sa NEDA ang maong proyekto tungod kay makahatag kini og High Speed Internet Connection bisan sa Disadvantaged Areas, ug makapadasig sa Private Sector Investments.
Magpalig-on usab kini sa Cybersecurity ug pagpanalipod sa Critical Information Infrastructure.
Gani, anaa sa P16.1 bilyones ang igahin nga pundo alang sa nasangpit nga proyekto nga kuhaon sa opisyal nga Development Assistance gikan sa World Bank.
