CEBU – Gimando ni Negros Oriental Governor Pryde Henry Teves sa mga awtoridad ang pagpahunong sa ilegal nga pagbaligya sa liquefied petroleum gas (LPG), partikular na sa mga hinterland areas sa probinsiya.
Gihimo ang maong lakang isip tubag ug suporta sa hangyo sa Department of Energy (DOE) aron suportahan ang ilang kampanya batok sa pagdagsang sa mga ilegal nga negosyo sa LPG.
Gikatahong nakigtagbo si DOE Region 7 officer-in-charge Russ Mark Gamallo, DOE Region 7 officer-in-charge kang Governor Teves.
Giila usab niini ang pipila ka indibidwal nga namaligya og illegal nga LPG mga container o botelya, baril, o refillable canister.
Nasayran nga gidili ang maong buhat ubos sa Batas Pambansa Bilang 33, nga giamendar sa Presidential Decree No. 1865, nga nagdili sa iligal nga pagbaligya sa petrolyo ug/o mga produktong petrolyo nga walay lisensya o awtoridad, nga adunay multa nga dili moubos sa PHP20,000 ug pagkabilanggo sa labing menos duha ka tuig apan dili molapas sa lima ka tuig
Gumikan niini nangayo og tabang sa Philippine National Police ug Bureau of Fire Protection sa paggukod sa mga ilegal nga tigbaligya og LPG ug uban pang susamang produkto nga mahimong makadaot sa kaluwasan sa publiko.
