Netanyahu misaad nga mobalos batok sa Houthis human sa missile attack sa ilang airport

Mipasalig si Israeli Prime Minister Benjamin Netanyahu nga mobalos kini batok sa mga rebeldeng Houthi sa Yemen.

Kini nunot sa missile attack sa mga rebeldeng Houthi nga miigo sa bahin sa airport sa Israel.

Iyang gitataw nga ila nang napildi kaniadto ang mga rebelde ug posibleng mahitabo na usab kini.

Ang Houthi nga gipaluyohan sa Iran nga miangkon nga sila ang nagpaluyo sa pag-atake sa missile nga miigo sa airport sa Ben Gurion sa Tel Aviv.

Gani, ang maong insidente kay maoy hinungdan sa pagkalangan sa mga biyahe ug pagkawala sa supply sa kuryente sa naasoy nga lugar.

Sumala sa mga taho, ang mga sistema sa depensa sa Israel ug US napakyas sa pag-intercept sa missile, nga miresulta sa pagkaigo niini sa bahin sa tugpahanan.