CEBU – Usa ka netizen ang nangayo og tabang, diin iyang gidetalye ang giingong dili maayong pagtambal nga nadawat nila sa iyang anak gikan sa duha ka nurse sa Cebu South Medical Center (CSMC), nga kanhi Talisay City District Hospital.
Kini ang gibutyag ni Cheng Trencio nga giingong nahitabo kaniya ug sa iyang nuybe anyos nga anak aron ilang ma ‘raise ang awareness’ ngadtu sa katawhan.
Ang bata napaakan og iro samtang didto sila sa lungsod sa Aloguinsan, ug tungod kay paingon na sila mopauli sa dakbayan sa Talisay dihang nahitabo ang insidente, nakahukom siya nga dad-on ang bata ngadto sa CSMC alang sa anti-rabies injection.
Apan sa iyang katingala, ang mga personahe sa ospital, nga nakigkita kanila, giingong dili ingon ana ka accommodating.
Gawas sa giingong grabeng pagtratar nga ilang nadawat gikan sa usa ka lalaki nga nurse ug usa ka babaye nga nurse, kinsa maoy nagdumala sa night shift, si Trencio nipasangil nga gibalik-balik usab sila sa pagsulti nga dili libre ang anti-rabies injection.
