Misamot kakusog ang opensa sa New York Knicks alang sa sunod season human makuha niini si Landry Shamet, usa ka 3-point shooter nga gi-draft niadtong 2018.
Si Shamet maoy napili sa Philadelphia 76ers sa maong draft apan gi-trade dayon siya sa Los Angeles Clippers human sa pipila ka buwan.
Wala usab siya magdugay sa Clippers ug miadto sa ubang mga NBA teams sama sa Brooklyn Nets, Phoenix Suns, ug Washington Wizards.
Ug ang Knicks kay mao na kini ang ika-unom nga team ni Shamet sulod lang sa unom ka tuig nga pagduwa sa liga.
Nalakip siya sa gitawag nga elite shooters sa NBA karon diin sulod sa unom ka tuig nga pagduwa nakasulod siya og 38.4% sa iyang attempted shots.
Posibleng gamiton si Shamet isip back up guard sunod season hulip sa mga kaubang shooters nga sila si Donte DiVicenzo ug Jalen Brunson.
Sa wala pa si Shamet, nakuha na sa Knicks ang pipila ka dagkong mga players ning milabay nga offseason nga naglakip sa ironman nga sila si Mikal Bridges ug Cameron Payne.
