CEBU CITY – Hingpit na nga milingkod isip bag-ong regional director sa Police Regional Office 7 si Police Brigadier General Albert Ignacius Bacoco Ferro hulip ni Police Brigadier General Valeriano De Leon.
Gihulagway niini ang kaugalingon isip usa ka propesyonal nga lider, mahadlukon sa Diyos, ug family-centered hayan giingong dili kini gusto ug mga “binuang” sulod sa iyahang termino.
Gihimug-atan sa bag-ong regional director sa Police Regional Office 7 nga si Police Brigadier General Albert Ferro nga ipatuman niini ang “No Take Policy” sa iyahang termino.
Matud pa nga sulod sa iyahang termino, “no take for all illegal activities”, ingon man walay mga scrupulous activities sa mga sakop sa kapulisan.
Kini subay na usab sa isyu kabahin sa mga pulis nga nasakpan nga nagduwa ug golf sa oras sa ilahang trabaho.
Giawhag ni B/Gen. Ferro ang kapulisan sa PRO 7 nga likayan ang bisan unsa mang aktibidad kung oras sa ting-trabaho ug maningkamot nga mahimong epektibo sa ilahang serbisyo.
