Nanawagan si House Committee on Information and Communications Technology Chair ug Navotas Representative Toby Tiangco sa National Telecommunications Commission (NTC) nga makig-alayon sa ubang sektor aron mahunong na ang problema sa text scam sa nasud.
Gipahinumdoman ni Tiangco nga kinahanglang hugot nga ipatuman ang SIM Registration Law aron mahunong kini.
Mao nga matud niya nga gi-advance sa House Speaker ang balaod aron magbutang og mekanismo sa pag-atubang sa mga malimbongong buhat.
Ug kon mapatuman kini sa saktong paagi mahunong na gayud ang ilegal nga kalihokan ug manubag ang mga tawo nga nagpaluyo niini.
Gipasiugda usab ni Navotas Solon ang mahinungdanong tahas sa pribadong sektor sa pagpugong sa cyber crimes.
Diin ang Social Security System (SSS) bag-o lang nipagawas og pahimangno sa ilang mga sakop bahin sa phishing scam gamit ang text messages.
