CEBU CITY-Ipasusi sa Cebu City – Office of the Building Official ang giingong building sa condominium sa Barangay Hipodromo ning dakbayan sa Sugbo tungod sa insidenteng mga “falling debris” ini nga natagak sa mga silingang kabalayan sa maong lugar.
Ang mga nangatagak nga mga debris kay sama nalang sa mg abuka ng semento, I-beam, mga tools sa konstruksyon ug uban pa.
Ang gitumbok nga condominium kay mao ang Lucima Building nga ubos sa pagtukod sa Monocrete Construction sa Sitio Lower Greenside sa naasoy nga barangay.
May nalang walay naangol sa maong panghitabo apan nakahatag gihapon kini og kahadlok sa mga lumulupyo rason nga nangayu kini og atensyon sa kagamhanan.
Daling nipasalig si Architect Florante Catalan sa pakighinabi niini sa Bombo Newsteam nga karong adlawa sayong buak sa kabuntagon suroyon nila ang maong edipisyo ug susihon kung angay pakining luwatan sa ceast-and-desist order.
